LEGAZPI CITY-Pigsierto kan Department of Agriculture (DA) na wara pa sindang nahihiling na dakulang epekto mapadapit sa paghalangkaw kan presyo kan petrolyo sa mga presyo ngonian kan mga pangenot na barakalon sa merkado.
Sinabi ni Assistant Secretary for Special Concerns and Official Development Assistance asin Spokesperson Engr. Arnel De Mesa na liwat naghalakaw na nin haros P5 an presyo kan gasolina, dai pa man suboot nammatian ini sa mga agricultural products sa nacion.
Kasunod kaini, pigsierto naman kan departamento na dai ini sasamantalahon kan mga retailers orog na sa namamatian kan transportation sector an dakulang paghalangkaw sa presyo gasolina.
Padagos man suboot an saindang pakikipagkoordinar sa mga lokal na pamahalaan, sa mga pulis asin manlain-lain na bang mga kooperatiba asin mga association ngani masierto na magbantay sa mga retailers na pwedisir abusuhon an sitwasyon.
Apwera pa digdi, pigsierto man kan nasambitang opisyal na naka-monitor man an saindang ahensya sa mga bagsakan kan mga produkto asin pigmamantenir an full coordination sa mga biyaheros ngani maaramn an magigin paghiro kan mga presyo.
Pagirumdom kaini sa mga parabakal na kabisaduhon an mga presyuhan sa merkado ngani maibitaran na mapagsamantalahan kan mga retailers.
Padagos man na imomonitor kan ahensya an paghiro sa mga presyo ngani tulos na macheck kung tama pa ba an mga presyo na itinatalaga kan mga retailers sa saindang mga produkto.
