Pigpapakusog kan Department of Agriculture an pangapodan na makiparte an mga rice importer sa pagmamantenir kan buffer stock kan bagas para sa nacion, sa paagi kan pag-amend sa Rice Tariffication Law.
Iheheras suboot kan private sector an responsibilidad, segun kay Agriculture Secretary Francisco Tiu Laurel Jr., na ipigsusuhestyon an “controlled model” kun saen kabanga kan buffer stock an kapot kan NFA asin kabanga man para pribadong sektor.
Kabale na digdi an obligasyong magbakal nin paroy hale sa lokal na paraooma sa patas na presyo na sarong lakdang na piglalaomang magpapababa sa gastos kan gobierno.
Obheto man kan lakdang na syertuhon suboot an abot-kayang bagas para sa konsyumer na dae nakokompromiso an ganansya kan mga paraooma.
