Mas pinakusog pa kan Cybercrime Investigation and Coordinating Center (CICC) an kampanya kontra sa mga bako rehistradong lending platform.
Ini makalihis an pagdakol kan numero kan mga nabibiktima na Pilipino.
Segun ki CICC Executive Director Renato “Aboy” Paraiso na puon Enero asin Pebrero sana, igwa na nin haros 600 na mga reklamo an saindang naresibe.
An nasabing numero an mas halangkaw kumparar sa kaparehong bulan kan 2025.
Igwa man na haros P8 million na nakuwa sa mga biktima huli sa pekeng lending apps.
Katakod kaini, padagos an pag-enganyar sa publiko na tulos na isumbong sa saindang opisina an nasabing mapagsamantalang lending apps.
