LEGAZPI CITY— Nagpaluwas an Civil Service Commission nin polisiya mapadapit sa pagbabawal sa sugal sa gabos na opisyal kan gobierno asin empleyado sa irarom kan Resolution No. 2600111.
Segun ki Civil Service Commission Bicol Director Atty Daisy Punzalan Bragais, sa intrevista kan Bombo Radyo Legazpi, epektibo ini ngunyan na Mayo—15 aldaw makalihis na i-publish sa sarong pahayagan kan Abril 23, 2026.
Kabale sa nasabing pagbabawal an napangganahan na kwarta asin online gambling, alagad sa ibong na banda an dae kabale iyo an mga kawat na eklusibo para sa charitabe, civic o public welfare urog na an mga kawat na warang pagbalgar sa ley siring kan lotto.
Nilinaw man ni Bragais bawal man ini maski outside office hours na huli sa 24/7 suboot an trabaho kan opisyal kan gobierno.
Inihayag man niya na an heads of agencies an kaipuhan natatawan nin giya an mga empleyado alagad pwedesir man magsunad nin kaso sa Civil Service Commission kun may nagbalgar sa probisyon siring man na pwedesir magsunad sa Ombudsman sa nagbalgar na elected officials o Office of the President para sa presidential accomplice.
