LEGAZPI CITY – Buminadol na sa 3,600 an kabilugang kaso kan mga nagpositibo sa COVID-19 sa Bicol.
Susog sa latest data kan DOH Bicol, nasa 27 an mga panibagong nadugang rason ngani na magsakat naman sa 458 an mga aktibong kaso.
Anom sa mga bagong nadugang an hali sa Albay partikular na an duwa sa Daraga, duwa sa Tabaco City, saro sa Oas asin saro sa Sto. Domingo.
Tulo man an hali sa Camarines Sur, 16 sa Masbate asin duwa sa Sorsogon makalihis an pirang aldaw na pagigin COVID-free.
Sa lado kan recoveries, nagsakat na sa 2, 994 mantang 148 naman an mga nagadan.
