LEGAZPI CITY – Nagsakat na sa 1,829 an kabilugang kaso kan nagpositibo sa COVID-19 sa Bicol makalihis an nasa 13 panibagong nadugang sa numero.
Nasa 404 man an aktibong kaso kan COVID-19 sa rehiyon.
Susog sa datos kan Department of Health (DOH) Bicol, saro sanang kaso hali sa ciudad kan Tabaco an nadugang sa Albay, siyam sa Camarines Sur partikular na an apat sa Baao, tulo sa ciudad kan Naga, asin tigsaro sa Pasacao asin San Fernando.
Duwa man an nairehistro sa Virac, Catanduanes asin saro sa Gubat, Sorsogon.
Mientras tanto, nadugangan nin 18 an recoveries kaya nasa 1, 356 na sa kabilugan.
Saro man na persona hali sa ciudad kan Legazpi na nagpositibo sa COVID-19 an binawian nin buhay kaya nasa 69 na an kabilugang COVID-19 deaths.
