LEGAZPI CITY- Mas pinarikas na an contact tracing kontra sa COVID 19 sa provincia nin Albay sa bagong QR system na nagagamit ni cellphone asin internet nganing mamonitor an hiro kan mga tawo.Sa intrevista kan Bombo Radyo Legazpi kay Danny Garcia an tagapagtaram ni Gov. Al Franciz Bichara, sa nasabing sistema, kaipohan muna na magdownload nin GET PASS application sa cellphone.
Gamit an application, makaag kan mga importanteng impormasyon siring kan address, edad, contact number asin iba pa saka makriar nin espesyal na QR code.
An nasabing QR code sa application an itatapat o i-iscan sa mga QR scanners na nakakaag sa mga establishimento asin tourist attractions sa Albay.
Gamit an sistemang ini, marikas narerekord an lugar na dinumanan kan sarong persona, kaiba na an importanteng impormasyon nganing marikas man an contact tracing en kasong saro sa mga nakaibanan sa biyahe an magpositibo sa COVID 19.
Inengganyar ni Garcia an publiko lalo na an mga turistang naglalaog sa Albay na magkagamit kan QR system para man sa mas salbado asin mas komportableng pagbisita sa provincia
