LEGAZPI CITY – Pigsiyerto kan chairman kan House Committee on Dangerous Drugs na dae magtatapos sa nangyaring pagdangog sa congressional inquiry an paglaban sa iligal na droga katakod kan nadiskubreng mega shabu lab sa Barangay Palta Small, Virac, Catanduanes huli ta dadarahon pa an isyu sa Kongreso.
Nagpasalamat man si Surigao del Norte 2nd District Rep. Robert Ace Barbers huli ta 90% sa mga inimbitaran na personalidad an nag-atendir.
Pighayag man kan opisyal na si Catanduanes Governor Joseph Cua suboot an naghagad nin parallel investigation ngani na maaraaman kun siisay an nasa likod kan nasambitan na shabu lab.
Dugang pa kaini na an Pilipinas na an nagigin bagsakan kan illegal drugs asin nagigin transparent na ini sa bilog na Asya kaya kinakaipuhan nang aksyunan asin dae na paghaluan nin anuman na isyu na konektado sa politika.
