LEGAZPI CITY-Nagpoon na ngonian na aldaw an pagpaparehistro para sa Barangay asin SK Elections asin an iba pang transaksiyon basado sa Comission on Election Bicol.
Segun kay Comelec Bicol Director Atty. Jane Valeza, sa intrevista kan Bombo Radyo Legazpi, na naka-settle down na sinda sa enot na aldaw kan pagpaparehistro kun sain bukas na ini poon alas 8:00 nin pagka-aga sagkod alas 5:00 nin hapon tuyong Lunes hasta sabado sa saindang ofisina.
May mga minor changes man suboot sinda orog na sa aplikasyon asin sa presente an pigsasaayos pa an mga proseso siring kan pag-track kan mga pangaran kan sanggunian kabataan ngani na mailaag sa saindang mga data base.
Piglalaoman man suboot an nasa 50,000 – 100, 000 na mga magpaparehistro asin igwa man suboot sindang 11 bulan na gap kun sain planong isabay an mga nasa edad na 15-18 anyos sa nobyembre 2026 bilang dagdag sa mga kwalipikadong registrants.
Abiso man sa gabos na bukas na an saindang ofisina sa gabos na klase nin transaksiyon kada lunes hasta sabado poon alas 8:00 sagkod alas 5:00 kairiba na an holidays.
Pwedisir man suboot makapagparehistro an mga registrants na wara sa saindang katakod na munisipyo sa maski anumang banwaan sa nacion.
Magkakaigwa man suboot sinda nin special registrations sa mga lugar siring kan mga eskwelahan, departamento, magin mga ospital kun sain igwang mga darakulang manpower.
Pagirumdom man sa mga maparehistro na magdara sana nin mga government issued ID’s , birth certificates o school ID’s para sa pagpaparehistro.
