Nagpaluwas nin pahayag si Ateneo Blue Eagles head coach Tab Baldwin katakod kan pagkagadan kan duwang Ateneo student-athletes na sinda Rene Baterbonia asin Divine Adili.
Sa sarong video na ipinaluwas kan Ateneo de Manila University, naghagad nin tawad si Baldwin sa mga pamilya kan duwang atleta asin inako na magabat an saiyang pagmati kasunod kan trahedya.
Segun ki Baldwin na pigpensar ninda na salbado asin normal an isasagibong training kan koponan, aloagad kalaunan napag-araman ninda na nasa peligro na an nagkapira sa mga atleta.
Ginibo man sauboot ninda an gabos na makakaya ngani na maisalbar asin maibalik nin ligtas sa pampang an bilog na grupo, alagad nauli sa trahedya an insidente makalihis magadan sinda Baterbonia asin Adili.
Huli digdi, sinabi ni Baldwin na pagmati niya na nagpalyar siya bilang lider asin bilang coach kan koponan.
“So deeply sorry. And I’m so deeply sorry not just the families, but everybody that feels let down, somehow betrayed,” ani Baldwin.
Dugang pa niya na dae matatawaran an kulog na namamatean ngunyan kan pamilya kan duwang atleta.
Inako man ni Baldwin na bilang coach, saro sa pinaka importanteng responsibilidad niya na siertuhon an kaligtasan kan saiyang mga players.
