LEGAZPI CITY-Pinatawan kan Department of Labor and Employment (DOLE) nin kabilugang P9.8 milyon si dating Ateneo Blue Eagles coach Tab Baldwin.
May kinaaraman ini sa pagkagadan makalihis malunod an duwang atleta na sina Rene Baterbonia asin Divine Adili kan Hunyo sa sarong team building activity sa Dipaculao, Aurora.
Kaiba man sa pinagmulta kan DOLE an Ateneo de Manila University (ADMU) in P4.9 milyon huli sa pagbayolar sa employment permit requirements.
Susog sa DOLE na nagbayolar si Baldwin asin an Ateneo sa Article 40 kan Labor Code partikular na an dai pagkua kan Certificate of Exemption (COE) asin Alien Emplooyment Permit (AEP).
Pinagbabayad si Baldwin nin P4.9-M huli sa dai pagkua kan Alien Emplooyment Permit asin P4.9-M para naman sa kan Certificate of Exemption
Mantang P4.9-M naman an multa sa Ateneo huli sa pagkua kay Baldwin nin warang kaukulang mga legal na permit.
Igwa man nin nasa P10,000 na multa kina Baldwin asin sa Ateneo huli sa kawaran nin Alien Emplooyment Permit.
Si Baldwin an nagtatrabaho dati bilang head coach kan Ateneo poon Disyembre 1, 2015 hasta Setyembre 28, 2016.
