LEGAZPI CITY-Ipighayag kan UAAP na an Ateneo de Manila University men’s basketball team nagtetenir na karapat-dapat na makipagkumpetensya sa maabot na season.
Mientras tanto, pinatawan man nin perpetual ban an dating head coach na si Tab Baldwin kasunod kan imbestigasyon kan liga sa insidente kan Hunyo 8 kun sain binawian nin buhay an duwang atleta kaini na sinda Rene Baterbonia asin Divine Adili.
Ipinaluwas kan UAAP an desisyon ngonian na aldaw nin Biyernes kasunod kan probe asin review sa mga reports mapadapit sa insidente.
Dinagdag man kaini na an team manager na si Epok Quimpo asin iba pang miyembro kan coaching staff an pigsuspende sa pakikisumaro sa mga aktibidad kan UAAP hasta matukoy kan UAAP board.
Tinawan doon kan board na mapadapit sa pagigin karapat-dapat kan Ateneo, kaipuhan na magsairarom sa “komprehensibong assessment sa organizational structure asin management kan men’s basketball” ngani mas pakusugon an saindang student-athlete participation asin protection.
