LEGAZPI CITY—Nagkundusir nin meeting an Claveria Municipal Police Station kaiba an lokal na gobierno kan Claveria, Masbate asin ibang law enforcement agencies katakod kan Ligtas Undas 2025.
Segun ki Claveria Municipal Police Station Chief of Police Police Captain Ma. Dolores Abenia, sa intrevista kan Bombo Radyo Legazpi, nagsagibo sinda nin manlaen-laen na aktibidad en koneksyon sa obserbar kan Undas sa Nobyembre 1-2.
May ipig-deploy na man suboot sindang mga personahes sa manlaen-laeng kamposanto sa nasabing banwaan para sa kaligtasan kan publiko sa nagdadangadang na Undas.
Afuera digdi, nag-deploy man sinda nin personahes sa mga pantalan kan Claveria asin igwa man na ipugbugtak na motorist assistance desk sa Claveria Parish Church.
Igwa man suboot sindang kaiba na hale sa Bureau of Fire Protection, Philippine Coast Guard, Philippine Army asin iba pang ahensya kan gobierno.
Mensahe man ni Abenia sa mga mauli na namamanwaan sa saindang lugar na siertohon na magin maayos an saindang biyahe.
Pig-asigurar man kan opisyal na yaon an saindang kapulisan sa pagmantenir kan salbadong pag-obserbar nin Undas ngonian na taon.
