LEGAZPI CITY-Posible na magsangat nin impeachment complaint an mga namamanwaan laban sa mga miyembro kan Korte Suprema.
Segun kay Liberal Party (LP) acting president Lorenzo “Erin” Tañada III makalihis an mga batikos kan publiko sa nagin desisiyon kan Kataas-taasang Hukuman sa articles of impeachment laban kay Vice President Sara Duterte.
Pwedisir man suboot na i-cite bilang grounds sa reklamo an pagbayolar sa Article 6 kan 1987 Philippine Constitution kung sain nakatalaga an Accountability of Public Officers asin naglalatag kan impeachment procedure na responsable sa mga pagbayolar sa Saligang Batas.
Enkaso dai matugutan, pwedisir man suboot na magin grounds an betrayal of public trust para sa dai na mapairal an Article 6.
Nagtutubod man si Tañada na magaabot ini sa constitutional crisis an pagsasangat nin impeachment complaint laban sa mga hukom kan Korte Suprema huli sa nagibo naman ini dati.
Algad piglinaw man ni Tañada na dai ninda pigbubusol an mga aksiyon laban sa korte kundi saro sanang opsiyon na pwedisir gibuhon kan namamanwaan kan nacion.
An kahapotan man suboot na kung igwang mambabatas hale sa Kamara de Representantes an magi-endorso kan impeachment complaint kun kinakaipuhan.
Mientrastanto, nagtutubod man an Liberal Party acting president na an pag-archive sa articles of impeachment, dai ibig sabihon na nagadan na an paglilitis alagadan naka vault sana ini asin pwedisir pang magpadagos an kaso.
