Legazpi City- Pinag-oolayan online an naging reaksyon kan content creator na si Chloe San Jose manungod sa istu kan bulagan kan mag-agom na Ai-Ai delas Alas asin Gerald Sibayan.
Sa naglalakop na screenshots sa social media, maiiling asin mababasa an pagshare ni Chloe nin balita online manungod sa naging suhistyon o payo ni Ai-Ai sa saiya. Ini katakod kan isyu sa pamilya kan saiyang nobyo na si two-time Paris Olympic gold medalist na si Carlos Yulo.
Kung magigirimduman kan Setyembre sa paagi kan live video nagtao nin payo si Ai-Ai kay Chloe sa pakikipagrelasyon, partikular na an tamang pakikitungo asin pagrespeto kaini sa ina ni Carlos na si Angelica Yulo. Segun kay Ai-Ai, naiiling asin nababasa niya sa social media an pasaringan kan duwa. Labi man suboot niya inin ikinamundo huli sa bilang sarong ina ay sabot daa nya an namamatian kan ina ni Caloy.
Makalihis an pirang bulan binalikan ni Chloe an artikulo manungod sa anging payo ni Ai-Ai sa paagi kan pagshare kaini online. Ginoobo ini ni Chloe makalihis isapubliko ni Ai-Ai an bulagan nindang mag-agom na si Gerald Sibayan. Mababasa man sa caption ni Chloe an taramon na “Back to you mamang, hindi para pagtawanan ang sitwasyon mo pero ang ginagawa mo sa iba ay babalik din sa’yo ng 10x —it’s just the universe’s law.”
