Binangga asin pinalibutan nin water cannon kan mga Chinese Coast Guard vessels an BRP Datu Sanday kan Bureau of Fisheries and Aquatic Resources ngunyan na Domingo, Agost 25.
Kasubagong alas-10:30 nin aga kan hinarang suboot kan mga Chinese an Philippine vessel na nasa 10 nautical miles harani sa Sabina shoal.
Hasta kasubagong alas-2 nin hapon kan binangga na kan Chinese Coast Guard vessels nin labi sa limang beses an BRP Datu Sanday.
Pinalibutan kan CCG 3104, 4102, 21555, 21551, asin nagkapirang militia vessels an BRP Datu Sanday asin sabay-sabay na inatake nin water cannon kun sain target an navigational equipment kan nasabing barko kan nacion.
