LEGAZPI CITY- Liwat na kinondenar kan grupo nin mga parasisira an mga propaganda kan China sa West Philippine Sea.
Ini makalihis an akusasyon kan China Coast Guard na an iligal na pagmamaneobra suboot kan Pilipinas an rason kan panibagong banggaan nin mga barko sa Ayungin Shoal.
Marurumduman na nairido pa sa nasabing insidente an nagkapirang mga suldados na Pilipino asin pigtataram na inagaw pa an mga armas.
Segun ki Pambansang Lakas ng Kilusang Mamamalakaya ng Pilipinas Fernando Hicap sa intrevista kan Bombo Radyo Legazpi na pigpapakusog pa kan China an mga probokasyon kaini ngani na mas magdakula pa an isyu sa pagultangan kan duwang nacion.
Posible suboot na naghahalat sana an China na enot na magpaputok an Pilipinas ngani na makapag puon nin giyera.
Aminado man an grupo na haloy na panahon ng pigbabago kan China an mga naratino kaini ngani na matawan nin katwiran an mga pambu-bully na pigigibo sa mga Filipino law enforcers.
Mientras tanto, sinabi ni Hicap na political will an kinakaipuhan ngani na maiduon an warang basehan na mga lakdang kan China sa exclusive economic zone kan Pilipinas.
