Matrayumpong nakapaglanding an space craft China na Chang’e-6 (chang-o 6) sa “dark side” kan bulan ngunyan na aldaw.
Ini na an kaenot-enoting bes na may bagay na gibo kan tawo an nakaabot sa dark lunar hemisphere na parte kan bulan na permanenteng nakatalikod sa kinaban.
Target kan space craft na magkolektar nin mga samples kan gapo asin daga kan bulan na ipapadara pasiring sa kinaban sa masunod na duwang aldaw.
Obheto kan eksplorasyon na maaraman an komposisyon kan bulan, kung totoong may tubig ini asin kung ano an mga mineral na pwedeng mamina o magamit kan tawo.
Segun sa China National Space Administration, wara man nin naging problema sa landing kan space craft asin normal man an dalagan kan programa.
Ngunyan na taon tolong nasyun na an nagpalanding kan saindang mga space crafts sa bulan, enot an Japan kan Enero asin sunod an Estados Unidos kan Pebrero.
Dati naman na nakapagpadara nin space craft sa bulan an India asin an Soviet Union na ngunyan an pig-aapod ng Russia.
Alagad sa nakalihis na 55 taon, solamenteng an Estados Unidos man giraray an nakapagpadara nin tawo pasiring sa bulan kan taong 1969.
