Nagtutubod si dating Senate President asin Chief Presidential Legal Counsel Juan Ponce Enrile na nagpalyar an nakalihis na administrasyon na protehiran an interes kan Pilipinas sa West Philippine Sea.
Pigduon ni Enrile na sa ibong kan pagigin ugos kan dating presidente ki Chinese President Xi Jinping, dae man liwat na pakarahay ni dating Presidente Duterte an isyu sa pagultangan kan duwang nacion.
Paliwanag kaini na magin matrangkilo an relasyon sa pagultangan kan China asin Pilipinas sa panahon kan nakalihis na administrasyon alagad dae man napakarahay an national interest sa nasabing teritoryo.
Dugang pa kaini na nagtetenir an diretsos kan Pilipinas sa mga isla sa West Philippine Sea alagad wara man na bastante pwersa asin kakayanan ngani na ipirit na kuwaon an mga isla na legal na pagsadiri kan Pilipinas.
.
