LEGAZPI CITY-Pigsuko na kan social media influencer na si Cherry White an saiyang drivers license sa Land Transportation Office (LTO).
Kasunod ini sa pagpataw kan Land Transportation Office kan 90 day suspension asin paglaag sa ‘alarm’ an sasakyan ni White makalihis na mahiling na nagmamaneho na nakataas an saiyang mga bitis.
Segun kay LTO Executive Director Greg Pua Jr., na naghagad na nin dispensa si White asin handa ining makipagtabangan sa imbestigasyon ninda.
Paliwanag ni White na 3 bulan na niyang nai-post an video alagad nai-repost sana ini kan nagkapirang netizens na nagresulta sa pagigin viral niya.
Tinawan man kan LTO si White nin hasta Lunes na magluwas kan saiyang mga dokumento kan sasakyan na saiyang ginamit sa viral video.
