Pigtuga ni Centerways Construction and Development Inc. president Lawrence Lubiano na nagtao siya nin ₱30 million na campaign donation kay Senador Chiz Escudero kan 2022 elections.
Ini an maski pa suboot na presenteng kontrata an saiyang kompanya sa gobyerno poon pa kan 2009.
Sa pagdangog kan House Infra Comm, hinapot ni Akbayan Party-list Rep. Chel Diokno si Lubiano manungod sa mga kontratang kapot kan Centerways, partikular sa Bicol region kun saen labi 30 proyekto an nasa Sorsogon.
Kinumpirma ni Lubiano na haloy nang nakakabale sa mga government projects an saiyang kompanya poon pa kan 2009 asin nakapagrehistro nin mga proyekto sa Albay, Camarines Sur, Cebu asin Masbate.
Pag-tuga pa ni Lubiano na poon 2022 sagkod ngonian na taon an nasa 80 proyekto an saindang na-bid.
Paglinaw man ni Lubiano na personal donation an ipigtao niya kay Escudero asin bako suboot hale sa saindang kompanya.
Basado sa Section 95 letter C kan Omnibus Election Code, ipinagbabawal an mga government contractor kan gobierno na magtao nin donasyon sa mga kandidato.
