LEGAZPI CITY- Naka standby na an gabos na mga ekipahe sa provincia kan Catanduanes katakod kan pinag-aandaman na epekto kan bagyong Ramil.
Segun ki Provincial Disaster Risk Reduction and Management Office Catanduanes Operations Section Chief Roberto Monterola na nakahanda man an saindang pwersa enkasong kinakaipuhan nin asistensya kan mga residente.
Sa intrevista kan Bombo Radyo Legazpi sa opisyal, sinabi kan opisyal na may trauma na an mga residente kan nasabing island province kaya kun ano an pigigibong prepasyon tuyong igwang super typhoon, kaparehong preparasyon man an pigigibo sa typhoon category.
Kaibanan sa mga pigtututukan ngunyan kan mga lokal na opisyal an posibleng mga pagbaha enkasong magkusog pa an naeeksperyensyahan na mga pag-uran huli sa nasabing raot nin panahon.
Katakod kaini, nangapudan si Monterola sa mga namamanwaan na magin preparado.
