LEGAZPI CITY- Isinairarom kan nter-Agency Task Force for the Management of Emerging Infectious Diseases (IATF) an provincia nin Catanduanes sa Alert level 4 huli sa naglalangkaw na kaso nin COVID 19.
Sa ipinaluwa sna anunsyo kan IATF, epektibo puon sa Nobyembre 17 aldaw nin Miyerkules an level 4 status sa Catanduanes.
Sa irarom kan alert level 4 pinagbabawal an pagluwas nin harong kan mga menor de edad, senior citizens na edad 65 anyos pataas, may comorbidities asin nagbabados.
Ipinagbabawal man an maski na anong klase nin sports, events, mga indoor asin outdoor activities, anuman na mga pagtitipon-tipon asin an pagbiyahe.
Nasa 30% sana an pigtutugotan sa outdoor services mantang nasa 10% sana sa indoor o dine-in services.
Mientras tanto, mas mahalwag na Alert level 2 an ipapaotob sa Albay, Sorsogon, Naga City, Camarines Sur, Camarines Norte asin Masbate.
