LEGAZPI CITY – Nag-atendir an Gobernador kan Catanduanes sa ikinondusir na meeting ni Presidente Ferdinand Marcos Jr. mapadapit sa maanomalyang flood control project sa manlain-laing parte kan nacion.
Segun ki Governor Patrick Azanza sa intrevista kan Bombo Radyo Legazpi na nagpasa sinda nin resolution na nagsusuporta sa pangapodan kan Presidente para sa transparency, accountability, de-kalidad asin fair na implementasyon kan proyekto kan gobierno.
Senegundahan man niya an pangapodan ni PBBM na ipaagi na sana kan mga mambabatas sa Regional Development Council an pipilion na mga proyekto para sa implementation huli ta myembro kaini an National Economic and Development Authority (NEDA), Department of Science and Technology (DOST), asin gabos na provincia an may representante.
An gabos man suboot na proyektong aaprubaran kan Regional Development Council an syertong matibay asin warang bahid nin korapsyon huli ta napag-adalan nin maray an proyekto kan manlain-laing eksperto.
Pigtaram pa ni Gov. Azanza na obheto man kan nasabing konseho na ibitaran an nangyayari ngonian na pagpapatugdok kan mga mambabatas nin mga proyekto na warang ka-aram aram an mga Gobernador o maski Alkalde urog na kun hale an mga ini sa magkalabang alyado.
Oras na suboot nganing magkaigwa nin paninidugan an gabos na gobernador sa nacion para sa good governance asin anti-corruption nganing mai-tama an gabos partikular na sa mga flood control projects na nagtataong huma sa buhay kan saindang mga nasasakupan.
Suportado man kan opisyal an pagkaka-designar ni DPHW Secretary Vince Dizon sa posisyon huli ta kwalipikado siya asin perpekto nganing mai-tama an mga problema na nangyaring kontrobersiya sa mga flood control project.
