LEGAZPI CITY – Ipigtanghal na overall champion an Camarines Sur sa katatapos pa sanang Palarong Bicol 2017 na ipigkondusir sa syudad kan Legazpi.
Nakapagbulsa an nasambitan na probinsya nin kabilugan na 69 gold, 79 na silver asin 69 na bronze.
Nagpang-duwa man sa final medal tally an syudad kan Naga na igwang natipon na 68 gold medal, 43 silver asin 66 na bronze.
Nagin dukot man an laban para sa ika-tulong pwesto sa pagultangan kan probinsya kan Albay asin syudad kan Legazpi na parehong igwang 53 na bulawan na medalya.
Katakod kaini, nangibabaw man giraray asin nakapagbulsa kan ikatulong pwesto an probinsya kan Albay makalihis na makakua nin kabilugan na 56 silver asin 88 na bronze.
Naglalaom man an mga ganador na atleta na magayon an saindang maipapahiling na performance sa papaabot na Palarong Pambansa 2017.
Labi an kamawotan kan mga ini na makapag-uli nin onra para sa Bicol Region makalihis na dae mapabale sa top 10 an syudad kan nakalihis na Palarong Pambansa 2016 na sa probinsya kan Albay pa mismo ipigkondusir.
Sa huri, para sa nagkapirang mga atleta, daog man o gana, babalunon ninda an magayon na eksperyensya na saindang nakua sa nasambitan na sporting event.
