Babaluon kan Camalig National High School na makuwa gilayun an kampyonato sa national level competition kan Wellness Campus Program.
Segun kay Roy Nipas, an Principal kan Camalig National High School sa intrevista kan Bombo Radyo Legazpi na sinda an nag national champion sa enot na season asin malaban ngunyan nganing magin kampyon gilayun ikaduwang season kan naunambitang kompetisyon.
Pigtaram man kaini an importansya kan naunambitang aktibidad nganing makapagtao nin imporamasyon manungod sa kalusugan kan mga aki asin publiko.
Pigdugang pa kaini na saro suboot an pinansyal na pangangaipuhan an nagigin problema ninda alagad yaon man suboot an mga stakeholders nganing makapagtaong tabang asin suporta sa sainda.
Pigtawan doon pa kan principal na importante maaraman kan gabos manungod sa food nutrition nganin magin marhay an estado kan salud kan lambang saro sa kumunidad.
Segun pa kay Nipas na ini na huring pagbale ninda sa siring kaining competiton alagad malaban man gilayun sinda kun sakaling tawanan pang tyansa an saindang eskwelahan.
Pinasalamatan man kaini an publiko asin stakeholder nin huli ta dae ninda maaabot an naabot ninda kan nakaaging taon kun wara an tabang ninda asin yaon man gilayun sinda nganing magtaong suporta sa eskwelahan.
