LEGAZPI CITY-Nagpatanid an Bureau of Fire Protection Legazpi manungod sa mga aksidente sa kalsada partikular na sa may parte kan Barngay Taysan sa ciudad kan Legazpi na mismong igwa ni nairehistrong van asin truck na imbuelto sa sarong insidente.
Segun kay Senior Fire Officer 4 Gary Santander, Deputy Fire Marshall kan Bureau of Fire Protection Legazpi, sa intrevista kan Bombo Radyo Legazpi, pinag-iingat ngunyan kan nasambitang ahensiya an mga nag-aagi sa may tinampo arani sa camella homes na sakop kan Brgy. Taysan.
Nakaresibe an Legazpi Central Fire Station nin report na mapadapit sa aksidente kung sain tulos na nagresponde an ahensiya asin nagtao nin asistensya sa driver kan van na naipit, mantang wara man nin ano manna tinamo ang driver kan dump truck.
Dagdag ni Santander na bako ini ang inot na beses na may naireport sainda na nagkaigwa nin aksidente sa nasambitang lugar, alagad dakol suboot an narerespondehan ninda na mga aksidente sa kalsada pasiring sa Taysan asin sa nagkapirang mga lugar sa inutan kaini.
