LEGAZPI CITY- Nakapagrehistro nin anom na volcanic earthquake sa Bulkang Bulusan sa nakalihis na magdamlag.
Basado sa datos kan Philippine Institute of Volcanology and Seismology na padagos man an ground deformation o pamamaga sa palibot kaini.
Marurumduman na sa presente nakataas man liwat an alert level 1 status sa Bulusan volcano.
Katakod kaini, pigpapalikay an mga residente sa paglaog sa 4km radius permanent danger zone.
Marurumduman na magin an mga lokal na gobierno an nagpapagirumdom man sa mga residente sa palibot kan bulkan na maghanda urog na sa panahon nin tag-uran ngani na maibitaran an dae pinaglalaoman na insidente.
