LEGAZPI CITY – Pumasok na sa low-level unrest ang Bulkang Bulusan sa lalawigan ng Sorsogon matapos itinaas ng Philippine Institute of Volcanology and Seismology (PHIVOLCS) ang antas ng alerto nito sa level 1.
Ayon kay Bulusan Volcano Resident Volcanologist April Dominguiano sa panayam ng Bombo Radyo Legazpi, ang pagtaas ay sanhi ng serye ng mga pagyanig at mga senyales ng aktibidad sa ilalim ng bulkan na nagsimula noong Marso 15 ngayong taon.
Ipinaliwanag niya na karamihan sa mga lindol na kanilang naitala ay mga mahihinang volcano-tectonic earthquakes na nangyayari kapag nabibitak ang mga bato sa mababaw na bahagi ng bulkan, na katulad na nangyari bago ang pagsabog nito noong 2022 at 2025.
Batay sa ground deformation data, naobserbahan din nila ang pamamaga sa kanluran at timog-kanlurang bahagi ng bulkan mula noong huling bahagi ng Enero hanggang ngayong buwan.
Idinagdag ng opisyal na batay sa lahat ng mga parameter, ipinapahiwatig nila na may mga hydrothermal processes na nagaganap sa ilalim ng bulkan na maaaring magdulot ng biglaang phreatic eruption o steam-driven eruption.
Pinaalalahanan din niya ang mga Lokal na Pamahalaan at ang publiko na mahigpit na ipinagbabawal na pumasok sa 4-kilometrong radius na Permanent Danger Zone (PDZ), na maging maingat sa pagpasok sa 2-kilometrong Extended Danger Zone (EDZ) sa timog-silangang sektor ng Bulkan dahil sa banta ng volcanic materials.
Nagbabala rin si Dominguiano sa mga komunidad sa katimugang bahagi ng bulkan na maghanda para sa pag-ulan ng abo kung sakaling magkaroon ng pagsabog sa mga darating na oras at araw
 raising its alert level to level 1.){kind=link}