LEGAZPI CITY – Pigkokonsiderang normal sana para sa grupo nin mga paratukdo an pagpapaluwas kan Department of Budget and Management (DBM) nin budget circular para sa pagpapaluwas nin pondo para sa Service Recognition Incentive (SRI) kan mga kwalipikadong government employees para sa Fiscal Year 2025.
Segun ki Teachers Dignity Coalition Chairman Benjo Basas sa intrevista kan Bombo Radyo Legazpi na ini an magkakanigong proseso nganing ma-release an naunambitang pondo maski igwa nang ipinaluwas na administrative order.
Digdi man suboot mahihiling an mga detalyes mapadapit sa kantidad kan pondo, kantidad kan mareresibi, asin an petsa kun nuarin dapat ibabarewas an incentives sa mga kwalipikadong empleyado kan gobierno.
Punto niya man na haloy nang panahon na dae nag-aabot sa maximum an nareresibing insentibo kan mga paratukdo urog na kan mga taon sa irarom kan presenteng administrasyon.
Dae pa masabi ngonian kan opisyal an kantidad kan insentibo na makukuwa kan mga paratukdo sa enterong nacion huli ta kaipuhan pang magsagibo nin pagbayad sa gabos na obligasyon kan Department of Education.
Bako man suboot mapagal na maresibi kan mga paratukdo an saindang benipisyo huli ta kadaklan an mga ini an personal na pigreresibi mantang an iba man an piglalaog sa saindang ATM card.
Pangapodan ni Basas na dapat iparikas na an pagbabarewas kan Service Recognition Incentive asin dae na pagpa-abuton sa huring aldaw kan Fiscal Year 2025 huli ta kaipuhan ini kan mga empleyado kan gobierno partikulamente na sa mga job-order asin contactual.
 to issue a budget circular for the release of funds for the Service Recognition Incentive (SRI) of eligible government employees for Fiscal Year 2025.){kind=link}