LEGAZPI CITY — Nagpagirumdom liwat an Bangko Sentral ng Pilipinas sa publiko na ibalyo na sa pinakaharaneng bangko an mga lumang serye nin kwarta na nagtetenir pa sa posisyon kan mga ini huli ta dae nang extension na mangyayari sa pagribay kan mga ini.
Sa intrevista kan Bombo Radyo Legazpi ki Sharon Moyano, Senior Research Specialist kan BSP, tinawang-duon kaini na bastante na an oras na ipigtao kan ahensya para sa mga ini kun kaya deadliest deadline na an Hunyo 30 asin puon sa enot na aldaw kan Hulyo, bagong serye na an gagamiton asin mawawaran na nin importansya an lumang serye.
Dugang pa ni Moyano na duwang beses na man sindang nag-oktaba sa deadline kun kaya idadagos na ini ngonian na kataposan kan bulan.
Sa lado man kan overseas Filipino workers, tinawanan na man ini kan peryodo para sa pagpaparibay kan lumang serye kan kwarta sa paagi kan pagregister sa website kan BSP kun saen pigtutugutan an mga ini na magribay dawa pa tapos na Hunyo 30 alagad antes man matapos an bulan kan Disyembre.
Ipigsarado na man an registration kan para digdi kun kaya an opsyon na sana kan mga OFW na mawot pang magbalyo, ipadara na sana sa mga parientes digdi sa Pilipinas tangarig na maribayan ini.
