Kinontra kan Bangko Sentral ng Pilipinas an propuesto na paghahali sa sirkulasyon kan kwarta na igwang darakulang kantidad.
Segun ki kay BSP Governor Eli Remolona Jr., na an nasabing propuesto an magreresulta sa dakulang negatibong bagay kaysa sa karahayan.
Dugang pa kan opisyal na padagos an saindang pag-aadal sa isyu kun sain maaapektaran an ordinaryong mga namamanwaan kumparar sa mga kurakot na opisyal kan gobierno asin contractors.
Marurumduman na ipig propuesto kan nagkapirang lehislador na halion an darakulang kantidad nin kwarta ngani na madifisilan an madara kan mga korap na opisyal kan gobierno.
