LEGAZPI CITY-Ipighayag kan Punong Barangay kan Barangay Padang Legazpi City na saro sa pinaka nakakatakot na eksperyensya sa saiyang buhay kun babalikan an mga nangyari kan nakalihis na Super Typhoon Reming.
Segun ki Punong Barangay Harold Bembenuto, sa intrevista kan Bombo Radyo Legazpi na nagserbing adal an sakuan sa sa saiyang pamilya asin sa bilog na barangay.
Sa ngonian, mas pigpakusog pa kan saindang kumunidad an pundasyon manugod sa disaster management.
Dagdag pa ni Bembenuto na makalihis an bagyong Reming, nagin “culture of life” na an disater response sa saindang barangay asin may dakulang epekto ini para sa mga pamilya.
Mas nag-implementar man suboot sinda nin preemptive response asin measures para sa kada pamilya.
Tinawan doon man niya na importante an pagkomemorar kan Super Typhoon Reming, huli saro ini sa pagirumdom sa mga namaaram na kapamilya asin nagserbing adal ini na dapat pirming handa pag-abot sa mga kalamidad.
Sa presente mas pigpapahalagahan na ninda an kapalibutan asin pig-aasigurar na may regulasyon an mga quarry, siring man an pagkakaigwa nin epektibong pag-ebakwar asin mekanismo makalihis an mga kalamidad.
Nagsasagibo na man sinda nin mga training sa mga komunidad asin sa mga eskwelahan para sa saindang kahandaan sa anumang sakuna.
Marurumduman na kadakol an naapektaran na sa saindang barangay huli sa nakalihis na Bagyong Reming.
