LEGAZPI CITY – Pigkonsidera bilang bomb joke kan gobierno lokal an nangyaring bomb threat sa University of Santo Tomas Legazpi ngonian na aldaw.
Magigirumduman na nagkawsa nin kariribukan asin alarma sa nasambitang unibersidad an nangyaring bomb threat.
Segun ki Legazpi City Mayor Alfredo Garbin sa intrevista kan Bombo Radyo Legazpi na base sa impormasyon na ipigtao saiya kan chief of police kan Philippine National Police Legazpi na warang nakuwang bomba o anu mang destructive materials sa laog kan UST Compound.
Padagos an pag-iimbestiga kan kapulisan sa kun siisay an nagsurat kan nasambitang letter na nakuwa suboot kan mga estudyante sa sarong comfort room kan unibersidad.
Dapat na mahanap suboot asin mapanimbag an may kagibo kan bomb joke na nagkrear nin dakulang abala huli ta kinaipuhan pang ikanselar an gabos na trabaho asin klase sa UST.
Nagtao na man nin kasuguan si Mayor Garbin sa kapulisan na hanapon an salarin sa pinakamadaling panahon nganing dae na pag-arugan kan iba pa.
