Nag-anunsyar na nin pamamaaram sa Mobile Legends: Bang Bang Professional League (MPL) Philippines an Blacklist International, na midbid sa saindang mga trayumpo sa lokal askn international scene.
Pigtuturing kan organisasyon na an desisyong ini an tugon sa bagong oportunidad na nasususog sa direksyon kan Tier One Entertainment na lagpasan an larangan kan esports.
Poon kan mabilog an grupo kan 2020, nakamit kan Blacklist an sunud-sunod na kampeonato sa MPL Seasons 7 asin 8, asin itinanghal na kampeon sa M3 World Championship kan 2021.
Alagad nagkaigwa nin agyat sa Season 9, nagbuwat giraray an koponan nganing magchampion sa Season 10, na nagtaong dalan sa sainda na magin runner-up sa M4 World Championship.
Sa ibong kan saindang pamamaaram na ipigpost sa saindang social media pages, bukas an Blacklist sa posibilidad na pagbale giraray sa MPL sa futuro, mantang nakatuon muna sinda sa pagpapauswag kan saindang mga koponan sa iba pang larangan kan esports.
