LEGAZPI CITY- Balik operasyon na ngunian an Matnog Port sa Sorsogon makalihis na isuspendir an biyahe puon kasuudma huli sa pagkakaigwa nin storm signal sa Probinsya.
Segun sa abiso kan Coast Guard District Bicol, pigtutugotan na ngunian an gabos na biyahe kan mga pampasahero asin cargo vessels sa pantalan kan Matnog makalihis na ikanselar an biyahe huli sa bagyong si Enteng.
Mientrastanto, nagpaluwas naman nin notice an Coast Guard Station Sorsogon dapit sa resumption kan gabos na biyahe sa nasabing pantalan.
Magsasagibo ngunian an Coast Guard Sub-station Matnog nin pre-departure inspections sa gabos na nakaiskedyul na pagbiyahe kan mga barko
Magpapadagos man an pagtataong asistensiya asin seguridad kan nasabing mga personahes sa gabos na mga mabiyaheng mga pasahero.
Kun babalikan, uminabot sa 295 an mga pasahero an nastranded sa pantalan kan Matnog sa Sorsogon.
