LEGAZPI CITY- Tinugutan na kan Coast Guard Sub Station Sorsogon an pagbabalik kan biyahe hali sa Matnog port pasiring sa Northern Samar.
Ini makalihis na i-lift na an nakabanderang tropical storm warning cignal sa nasabing mga lugar.
Segun ki Port Management Office Bicol Media Relations Officer Achilles Galindes sa intrevista kan Bombo Radyo Legazpi na alas-6 kasubagong aga kan magpuon na an duwang barko sa pagkarga nin mga pasahero asin rolling cargoes.
Target kaya na maubos an backlog kan labi sa 2,500 na mga stranded passengers antes pa man umabot an mga na-stranded sa Camarines provinces.
Nilinaw man kan opisyal na magiging prayoridad sa pagbiyahe an mga behikulo na para sa relief operations asin mga magpapakarahay kan mga transmission lines.
Sa presente, sinabi ni Galindes na sistematiko man an pila kan mga rolling cargoes kaya nagigin matanos man an proseso.
Mientras tanto, hinagad man kan opisyal sa mga shipping lines na pabalikon na sa pantalan an gabos na mga barko na nag-take shelter sa ibang lugar ngani na makatabang na sa pagbiyahe.
