LEGAZPI CITY– Nasa pinal na mga preparasyon na an pigigibo kan ciudad kan Legazpi para sa hosting kan Palarong Bicol 2025.
Segun ki Department of Education Legazpi City Division Sports Officer Dexter Sison sa intrevista kan Bombo Radyo Legazpi na pinaglalaoman na sa Marso 19, mapuon ng mag-abot sa ciudad an mga delegado hali sa mga island provinces.
Marurumduman na isasagibo an opening ceremony kan nasabing sporting event sa Marso 23.
Alagad antes pa man an pormal na pagbubukas kan Palarong Bicol, magkakaigwa na suboot nin mga premilinary activities na papartisiparan kan mga atleta.
Segun sa opisyal na an mga billeting schools an nasa pinal na preparasyon na alagad preparado na ini para sa pagtetenir kan mga delegado.
Napag-araman na nasa final touches na an pigigibong repair para sa mga billeting centers kaya nakakasunod man suboot sa timeline an ahensya.
Mientras tanto, nangapudan man si Sison sa mga Legazpeño na ipahiling an hospitality ngani na magin magayon an eksperyensya kan mga atleta sa pagbisita sa ciudad.
