LEGAZPI CITY-Ipigheras kan Bicolano Visual Artist na si Ping Peralta an importansya kan art bilang sarong interpretasyon.
Segun kay Peralta sa naging kan intrevista kan Bombo Radyo Legazpi na an paigigin sarong artist nakakapagtao nin fulfillment, orog na kun na-aappreciate asin igwang nagbabakal.
Pag-istorya niya mahilig na siya sa art poon pa kan siya Elementary.
Sinabi man niya na kadaklan sa mga magurang an dai pigpapakuwa nin fine arts an saindang mga aki huli ta magastos asin pang mayaman sana suboot ini.
Nagpoon siya na mag-intra sa mga contest sa eskwelahan kun sain pig-enganyar siya kan saiyang mga paratukdo na mag-paint.
Kun kaya nagin sikat siya sa ladong ini asin nagkaigwa nin mga opurtunidad bako sana sa rehiyon kundi magin sa ibang lugar.
Sagkod ngonian, maski pa siya nagtatrabaho na, pirmi niyang pigdadara an saiyang creativity.
Tinawan doon man ni Peralta na dai pigsasagibo an art para sana sa economics asin kun igwang mawot magpagibo.
Sinabi niya na pigsasagibo niya an saiyang art basado sa interpretasyon, bako sa dictation o anumang imitation.
