LEGAZPI CITY-Nagpahiling nin tibay asin talento an mga Bikolanong atleta sa ika-33 SEA Games 2025.
Naiuli ni Clarence Sarza hale sa Legazpi City an Silver Medal sa Women’s 46kg Kyorugi Division sa Taekwondo competition kun sain nagwalat ini nin marka sa nternational stage.
Naguno man ni Jeralyn Rodriguez, sarong 18-anyos hale sa Catanduanes an bronze medal sa Women’s 400m event kun sain saro ining matrayumpong kapangganahan sa saiyang amay na karera sa lado kan sports.
Nagpasikat man sa Sea Games si Ana Bhianca Espenilla, 18-anyos hale sa Brgy. Buenos Aires, San Fernando, Masbate kun sain nasungkit niya an saro pang bronze medal sa Women’s Javelin Throw na nakarecord nin 51.66m mark sa nasabing kompetisyon.
An kapangganahan kan mga Bikolanong atleta an sarong patunay na nakikipagsabayan an rehiyon pagabot sa talento asin nagseserbing inspirasyon para sa mga mawot magin atleta sa masunod pang mga henerasyon.
