LEGAZPI CITY—Nagpaotob man ngonian nin mga lakdang an kapulisan sa isla probinsya kan Catanduanes nganing makatipid sa enerhiya asin krudo kasunod kan epekto kan nagpapadagos na tensyon sa Middle East.
Segun ki Catanduanes Police Provincial Office Public Information Officer Police Lieutenant Colonel Emsol Icawat sa intrevista kan Bombo Radyo Legazpi, na saindang pigbabawasan na an dalagan kan mga police mobile asin maggamit na sana nin motor para sa pagpapatrolya nganing makatipid sa konsumo sa produktong petrolyo.
Afuera digdi, ipig-obliga naman ninda an bike patrol sa kada police station sa provincia.
Dugang ni Icawat na plano man kan regional director na magkaigwa nin mga motorsiklo na gagamiton sa pagpatrolya na sa ngonian nasa proseso pa para sa pag-procure kaini.
Mientrastanto, abiso man kan opisyal sa namamanwaan kan provincia na yaon an saindang kapulisan na pwedesir malunadan en kaso nadidifisilan sinda sa paghanap nin lunadan pasiring sa ibag karatig na lugar.
