LEGAZPI CITY — Naging makahulugan an mensahe ni Philippine National Police chief Director General Ronald “Bato” dela Rosa sa isinagibong programa para sa ika-116 taong anibersaryo kan Police Regional Office-Bicol kasubagong aga.
Inihurot ni Bato na dae nagbubuta-butahan o nagbubungog-bungugan an PNP sa pinakadakulang problema kan nacion na iyo an iligal na droga.
Tinawan man nin komendasyon ni Bato an mga miembro kan Bicol-PNP huli sa naging magayong resulta kan kampanya kontra sa iligal na droga sa paagi kan Kasurog Kontra Droga na pinunan ni dating Bicol-PNP Director PC/Supt. Melvin Ramon Buenafe.
Hinagad man kaini sa publiko na suportaran an napunan ng kampanya huli sa importante suboot an pagtatabangan ngane na magtrayumpo asin masustenir an kampanya kun mawot na maging matoninong an rehiyon.
Sinabi pa kan PNP Chief na kaipuhan man liwat na maging alerto asin marigmat sa nangyayari sa kapalibutan.
Pinakiolayan pa kaini an PRO 5 na sa ibong kan padagos na nareresibeng pagtuyaw, kaipuhan sana suboot na dae mawaran nin kusog buot sa pagseserbi sa mga kahimanwa huli sa sa kampanya na ini, ibubuwis suboot an saindang buhay para sa katoninongan asin karahayan kan banwaan.
