LEGAZPI CITY – Makundusir an Bureau of Fire Protection (BFP) nin sarong aktibidad katakod kan taunan na Fire Prevention Month na ipigsasagibo tuyong bulan kan Marso.
Ini an Lakaw Kabikolan: Rally for a Fire-Safe Bicol.
Katakod kan aktibidad na ini an mga adbokasiyang nakapalaman sa fire prevention month kun sain malatag sinda nin mga pagirumdom ngani na magin ligtas an bilog na Kabikolan sa ano man na peligro arog kan kasulo.
Urog pa ngunyan na maski bulan pa sana kan Pebrero, dakol na an naiirehistrong kaso nin kasulo urog na sa syudad kan Legazpi kun sain naabo an harong kan 92 na pamilya sa Barangay 28 Victory Village.
Obheto kan nasambitan na aktibidad kan BFP na liwat na tukduan an mga tawo kun pano makakalikay sa mga siring na pangyayari.
Isasagibo ini sa Marso 7 kun sain pig-iingganyar an gabos na Bicolano na makisumaro asin magbale bilang suporta sa kamawotan kan ahensya na magin fire-safe an bilog na rehiyon.
Piglalaoman man na magkakaigwa nin mga fire drills sa mga eskwelahan asin ahensya sa masunod na bulan.
