LEGAZPI CITY-Nagpagirumdom an Bureau of Fisheries and Aquatic Resources (BFAR) Bicol sa mga fish cage operators na i-report sa saindang ofisina an mga fish kill incident sa saindang lugar.
Segun ki BFAR Bicol Spokesperson Rowena Briones, sa intrevista kan Bombo Radyo Legazpi, na wara pang datos mapadapit sa danyos sa lake buhi kun sain nagadan an mga sira.
Alagad igwang 14 sa saindang listahan suboot na mga fish cage operator an apektado kaini.
Huli digdi, nagpatanid an ahensya sa mga fish cage operator na i-harvest nin amay an saindang mga sira ngani mabawasan an posibleng pagkawara kaini.
Pig-rekomenda man ninda sa lokal na gobierno na hakuton o i-dispose na an mga nagadan na sira ngani dai magbaba an kalidad kan tubig sa lake buhi.
Siring man sa mga residentes, na siertuhon an malinig an mga sira na hale sa nasabing lawa bago ini kakanon.
Makalihis an insidente, pig-eenganyar kan BFAR Bicol an mga fish cage operator na i-report an danyos asin pagkalugi ngani makasabay ini sa pagsumiter sa mga ahensya.
Patanid man kan opisyal na subaybayan an mga areas na igwang nai-report na fish kill sa nasabing lugar ngani ini maprotehiran.
