Binawian na nin buhay an beteranong film producer na si ‘Mother Lily’ Monteverde sa edad na 85 anyos.
An saiyang aki na si Goldwin Monteverde an nagkumpirma kan mamundong bareta.
Si Mother Lily an pigbibistong matriarch kan film production company na nasa likod kan mga pelikulang “Scorpio Nights,” “Shake, Rattle, & Roll,” “Relasyon,” “Mano Po,” asin iba pa.
Siya man an nagpasikat kan mga batikang artista na sinda Alma Moreno, Gabby Concepcion, William asin Albert Martinez, Snooky Serna, Dina Bonnevie, Ruffa Gutierrez asin Diamond Star Maricel Soriano.
Sa ngunyan, dagsa an mga nagpapaabot nin pakikidumamay para sa nawalat na kaparientes kan film producer.
