LEGAZPI CITY- Nahahadit ngunian an grupong Bayanihan para sa Karangalan at Kaunlaran ng mga Pilipino (BAYANIHAN) sa posibleng pagkaraot kan kredebilidad kan Commission on Elections makalihis an pagpapalakop nin mga impormasyon ni SAGIP party-list Rep. Dante Marcoleta.
Katakod ini sa enot na naging pahayag ni Marcoleta dapit sa pag-aakusar kaini nin korapsyon kay Comelec chief George Garcia.
Segun kay Bayanihan Pilipino Chairman Elmer Argaño sa naging intrevista kan Bombo Radyo legazpi, huli sa pagpapaluwas suboot kaini nin mga gibo-gibong istorya an nagdadara sa pagkawasak kan kredebilidad kan Comelec.
Mientrastanto, plano kan grupo na magsunad nin patong- patong na kaso kontra sa kongresista kabale na an ethics complaint asin disbarment case.
Eenoton suboot ninda na ifile an disbarnment case kun saen nakatalaan antes an kataposan kan Agosto asin saka na isusunod an pagsunad nin kaso sa House ethics Committee.
Dugang pa kan opisyal na may duwang bagay sindang pigkakapitan sa pagsusunad nin reklamo iyo an katotohanan asin integridad.
