LEGAZPI CITY- Nakukulangan an grupong BAYAN MUNA sa Proclamation number 1093 ni Presidente Rodrigo Duterte na nagtatao nin amnestiya sa mga dating rebelde sa saindang pagkakasala sa ley.
Sa intrevista kan Bombo Radyo Legazpi kay Bayan Muna Partylist Rep. Carlos Isagani Zarate, naapreciar ninda an lakdang kan presidente sa kamawotan na magkaiwa nin katoninongan sa nasyun alagad kulang pa suboot an proklamasyon ngani na matapos an rebelyon sa nasyun.
Tinawang duon kan Kongresista na makakatabang sana an kasuguan kan Presidente ngani na mas makaengganyar nin dakol na rebelde na magsurindir na asin magbalik loob na sa gobyerno.
Alagad dae man suboot nasisimbagan kaini an totoong rason kan mga miyembro kan New People’s Army sa pagsabay sa armadong pakikibaka.
Suhestiyon kan opisyal na ibalik na sana an peacetalks sa mga rebelde ngani na mapag-ulayan kung ano talaga an mga kahagadan kan grupo nganing maitao ini kan gobyerno asin dagos ng matapos an rebelyon.
Naglalaom si Zarate na sa ibong kan nagkapirang beses ng pagpalyar kan peacetalks an maibabalik man giraray an olay pangkatoninongan sa nasyun.
