LEGAZPI CITY — Magsasagibo nin aktibidad an Bayan Muna Albay ngunyan na aldaw bilang pakikisumaro sa ika-48 anibersaryo kan rebeldeng New People’s Army (NPA.)
Sinabi ni Fred Mansos, pamayo kan Bayan Muna Albay na ini bilang pagbusol na man sa pagpapadagos kan peace talks sa pagultanan kan gobyerno asin kan CPP-NPA-NDF.
Sigon ki Mansos, nagsangat sinda nin resolusyon sa Sangguniang Panlalawigan ng Albay asin sa Sangguniang Panglungsod ng Legazpi siring na man sa ibang munisipalidad para sa saindang apelang suporta sa pagbusol sa orolay pangkatoninongan.
Ineksplikar ni Mansos na sa paagi kan lakdang na ini, pwedesir na makaabot ki Presidente Rodrigo Duterte an saindang kahagadan asin opisyal na ining mag-anunsyar nin pagtugot sa na-octabang peace talks.
Binalikan kaini an promesa ni dating Presidente Corazon Aquino na magigin matrayumpo an pag-oolay kan gobyerno asin kan rebeldeng grupo, alagad dae man suboot nangyari.
Dapat suboot na sa pagtukaw kan duwang lado, mapag-uyunan na an mga isyung politikal asin magbaba na nin armas makalihis an ano man na mapagkasunduan.
Dugang pa ni Mansos, nagtutubod an Bayan Muna Albay na maski dae liwat na mag-anunsyar nin ceasefire, magkakaigwa man giraray nin peace talks kun talagang katoninongan an obheto kan mag-inibong na lado./
