Dae nag-atendir si Senador Bato dela Rosa sa enot na aldaw kan deliberasyon kan bicameral conference committee para sa 2026 national budget kan Sabado, Disyembre 13.
Solamenteng sinda Senate Finance Committee Chairperson Sherwin Gatchalian, Senators Loren Legarda, Kiko Pangilinan, Erwin Tulfo, Imee Marcos, Bong Go, asin Mark Villar sana an nag-atendir sa pag-orolay.
Afuera ki Dela Rosa, dae man nagsipot sinda Senators JV Ejercito, Camille Villar, asin Pia Cayetano.
Enot nang sinabi ni Gatchalian na naglalaom siyang ma-atendir si Dela Rosa sa deliberasyon, bilang vice chairperson kan finance committee.
Labi sa sarong bulan nang dae naglalaog sa Senado si Dela Rosa puon kan Nobyembre, makalihis ibuyagyag ni Ombudsman Jesus Crispin Remulla na iniluwas na kan International Criminal Court (ICC) an warrant of arrest laban saiya katakod kan war on drugs.
