Sinundan kan tolong barkong panggera kan China an mga barko kan Pilipinas, Estados Unidos, Australia asin Canada na nagsasagibo nin joint maritime exercise sa West Philippine Sea.
Segun kay Armed Forces of the Philippines Public Affairs chief Col. Xerxes Trinidad, mga Jiangdao II Class Corvette na barko kan People’s Liberation Army ang nahiling harani sa Bajo de Masinloc o Panatag asin Scarborough Shoal.
May pangaran an mga barko na People’s Liberation Army -Navy WUZHOU, HUANGSHAN asin QUJING.
Dae man nagbalo na magrani sa barko kan Pilipinas an nasabing mga barko kan China.
Sa ibong kaiyan naging matrayumpo man giraray an pagsasagibo kan aktibidad.
Inilunsar an nasabing joint maritime exercise sa hampang kan lalong naglalalang tensyon sa West Philippine Sea huli sa pang-aagaw nin teritoryo asin mga panghaharass kan China.
